ກຸ່ມບ້ານລະຍາວ ຮັບຟັງການເຜີຍແຜ ເອກະສານສຳຄັນຂອງພັກ-ຂອງຊາດ.

ສ້າງຂື້ນເມື່ອ ວັນພະຫັດ, 11 ພະຈິກ 2021 04:27
ຂຽນໂດຍ ຄອຂ ອັດຕະປື

ກຸ່ມບ້ານລະຍາວ ຮັບຟັງການເຜີຍແຜ ເຊື່ອມຊຶມ ເອກະສານສຳຄັນຂອງພັກ-ຂອງຊາດ.

           ໃນຕອນເຊົ້າ ຂອງວັນທີ 05 ພະຈິກ 2021 ຜ່ານມານີ້ ຢູ່ທີ່ຫ້ອງການບ້ານກອງຮັງ ໄດ້ຈັດພິທີ ຈັດຕັ້ງ ເຊື່ອມຊຶມ ແລະ ຜັນຂະຫຍາຍ ເອກະສານສຳຄັນຕ່າງໆຂອງພັກ-ຂອງຊາດ ຂຶ້ນ, ໂດຍພາຍໃຕ້ການເປັນປະທານ ຂອງທ່ານ ນ ດວງມີໄຊ ສິດທະປະເສີດ ຄະນະປະຈຳພັກເມືອງ ປະທານແນວລາວສ້າງຊາດເມືອງ ທັງເປັນຜູ້ນຳພາ-ຊີ້ນຳລວມວຽກງານກໍ່ສ້າງຮາກຖານກຸ່ມບ້ານລະຍາວ, ເຂົ້າຮ່ວມມີຄະນະໂຄສະນາອົບຮົມເມືອວ, ພະນັກງານຫັນລົງກໍ່ສ້າງຮາກຖານ, ເລຂາພັກບ້ານ-ນາຍບ້ານ, ຄະນະພັກ, ຄະນະບ້ານ, ສະມາຊິກພັກ ພ້ອມດ້ວຍອົງການຈັດຕັ້ງຕ່າງໆຂອງບ້ານ 2 ບ້ານ ( ບ້ານກອງຮັງ ແລະ ບ້ານກະຍື ) ເຂົ້າຮ່ວມທັງໝົດ 19 ທ່ານ, ຍິງ 8 ທ່ານ.

          ໃນນັ້ນ ສະຫາຍ ນ ດວງມີໄຊ ສິດທະປະເສີດ ແລະ ສະຫາຍ ນິຄົມ ພົມມະຈັນ ໄດ້ຜັດປ່ຽນກັນບັນຍາຍເອກະສານ ໂດຍໄດ້ຍົກໃຫ້ເຫັນບາງບັນຫາທີ່ສຳຄັນຂອງເນື້ອໃນ ມະຕິ ກອງປະຊຸມລັດຖະບານ ຊຸດທີ IX ເປີດກວ້າງ ຄັ້ງທີ I ແລະ ເອກະສານທີສຳຄັນອື່ນໆ 7 ເອກະສານ, ທັງນີ້ ກໍ່ເພື່ອຍົກສູງຄວາມຮັບຜິດຊອບຕໍ່ໜ້າທີ່ວຽກງານການເມືອງ-ແນວຄິດ, ເພີມທະວີການນໍາພາ-ຊີ້ນຳໃຫ້ທວງທັນກັບສະພາບການຕົວຈິງ ເພື່ອສ້າງການຫັນປ່ຽນທີ່ແຂງແຮງ ເລິກເຊິງ ແລະ ຮອບດ້ານ.

         ພິທີດັ່ງກ່າວ ພາຍຫຼັງການເຊື່ອມຊຶມແລ້ວ ມອບໃຫ້ຄະນະພັກ, ຄະນະບ້ານ ສືບຕໍ່ຈັດຕັ້ງປະຕິບັດແຜນກຳນົດຕຳແໜ່ງງານ ແລະ ເພີ່ມທະວີໃນການຕິດຕາມ,ກວດກາ, ແກ້ໄຂບັນຫາປະກົດການຫຍໍ້ທໍ້ຕ່າງໆທີ່ເກີດຂຶ້ນພາຍໃນບ້ານ.

ໂດຍ: ຄຳລີໄຊ ບຸນເພັງ.

Found a typo? Please select it and press Ctrl + Enter.