ກຸ່ມບ້ານຮົມ ຮັບຟັງການເຜີຍແຜເອກະສານສຳຄັນຂອງພັກ-ຂອງຊາດ .

ສ້າງຂື້ນເມື່ອ ວັນພະຫັດ, 11 ພະຈິກ 2021 04:55
ຂຽນໂດຍ ຄອຂ ອັດຕະປື

ກຸ່ມບ້ານຮົມ ຮັບຟັງການເຜີຍແຜ ເຊື່ອມຊຶມ ເອກະສານສຳຄັນຂອງພັກ-ຂອງຊາດ .

          ໃນຕອນເຊົ້າ ຂອງວັນທີ 04 ພະຈິກ 2021 ນີ້ ຢູ່ທີ່ໂຮງຮຽນ ປະຖົມບ້ານຈຳປາວ ໄດ້ຈັດພິທີ ຈັດຕັ້ງ ເຊື່ອມຊຶມ ແລະ ຜັນຂະຫຍາຍ ເອກະສານສຳຄັນຕ່າງໆຂອງພັກ-ຂອງຊາດ ຂຶ້ນ, ໂດຍພາຍໃຕ້ການເປັນປະທານ ຂອງທ່ານ ພິທູນ ມະວົງສາ ຄະນະປະຈຳພັກເມືອງ ຮອງເຈົ້າເມືອງ ຊີ້ນຳວຽກງານວັດທະນະທຳສັງຄົມ ທັງເປັນຜູ້ນຳພາ-ຊີ້ນຳລວມວຽກງານກໍ່ສ້າງຮາກຖານກຸ່ມບ້ານຮົມ, ເຂົ້າຮ່ວມມີທ່ານ ລັດສະໝີ ບຸດຕະວົງ ກຳມະການພັກເມືອງ ຫົວໜ້າຫ້ອງການອຸດສາຫະກຳ-ການຄ້າເມືອງ ທັງເປັນຫົວໜ້າພະນັກງານພະນັກງານຫັນລົງກໍ່ສ້າງຮາກຖານ, ມີເລຂາພັກບ້ານ-ນາຍບ້ານ, ຄະນະພັກ, ຄະນະບ້ານ, ສະມາຊິກພັກ ພ້ອມດ້ວຍອົງການຈັດຕັ້ງຕ່າງໆຂອງບ້ານເຂົ້າຮ່ວມທັງໝົດ 27 ທ່ານ, ຍິງ 8 ທ່ານ.

         ໃນນັ້ນ ທ່ານ ພິທູນ ມະວົງສາ ແລະ ທ່ານ ລັດສະໝີ ບຸດຕະວົງ ໄດ້ຜັດປ່ຽນກັນບັນຍາຍເອກະສານ ໂດຍໄດ້ຍົກໃຫ້ເຫັນບາງບັນຫາທີ່ສຳຄັນຂອງເນື້ອໃນ ມະຕິ ກອງປະຊຸມລັດຖະບານ ຊຸດທີ IX ເປີດກວ້າງ ຄັ້ງທີ I, ມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານສູນກາງພັກ, ຄຳສັ່ງເລກທີ 01-02/ກມສພ ແລະ ເອກະສານອື່ນໆທີ່ສຳຄັນ, ທັງນີ້ ກໍ່ເພື່ອຍົກສູງຄວາມຮັບຜິດຊອບຕໍ່ໜ້າທີ່ວຽກງານການເມືອງ-ແນວຄິດ, ເພີມທະວີການນໍາພາ-ຊີ້ນຳໃຫ້ທວງທັນກັບສະພາບການຕົວຈິງ ເພື່ອສ້າງການຫັນປ່ຽນທີ່ແຂງແຮງ ເລິກເຊິງ ແລະ ຮອບດ້ານ.

          ພິທີດັ່ງກ່າວພາຍຫຼັງດຳເນີນການເຊື່ອມຊຶມແລ້ວ ມອບໃຫ້ຄະນະພັກ, ຄະນະບ້ານ, ສະມາຊິກພັກ ແລະ ບັນດາອົງການຈັດຕັ້ງຕ່າງຂອງບ້ານ ຖືເອົາວຽກງານການເມືອງ-ແນວຄິດ ເປັນສຳຄັນ, ເປັນກົກ ແລະ ເຮັດກ່ອນໝູ່; ພ້ອມກັນນັ້ນ ໄດ້ເນັ້ນໜັກວຽກງານກໍ່ສ້າງຮາກຖານຊີ້ນຳຢູ່ເຂດ ເພື່ອແກ້ໄຂບັນຫາຄວາມຫຍຸ້ງຍາກດ້ານເສດຖະກິດ-ການເງິນ, ຊຸກຍູ້ການເກັບລາຍຮັບໃຫ້ໄດ້ຕາມແຜນການທີ່ວາງໄວ້ທັງນີ້ກໍ່ເພື່ອໃຫ້ປະຊາຊົນພາຍໃນບ້ານຫຼຸດພົ້ນອອກຈາກຄວາມທຸກຍາກເທື່ອລະກ້າວ.

ໂດຍ: ຄຳລີໄຊ ບຸນເພັງ

Found a typo? Please select it and press Ctrl + Enter.