ກອງບັນຊາການທະຫານເມືອງພູວົງ ຈັດພິທີເຊື່ອມຊຶມເອກະສານ 3 ວັນປະຫວັດສາດ.

ລາຍລະອຽດ

ສ້າງຂື້ນເມື່ອ ວັນອັງຄານ, 16 ພະຈິກ 2021 03:19

ຂຽນໂດຍ ຄອຂ ອັດຕະປື

ກອງບັນຊາການທະຫານເມືອງພູວົງ ຈັດພິທີເຊື່ອມຊຶມເອກະສານ 3 ວັນປະຫວັດສາດ.

ວັນທີ 8 ພະຈິກ 2021ນີ້, ກອງບັນຊາການທະຫານເມືອງພູວົງໄດ້ຈັດພິທີເຊື່ອມຊຶມບັນດາເອກະສານສຳຄັນຂອງຊາດ-ຂອງພັກເປັນຕົ້ນ: ເອກະສານວັນປະກາດເອກະລາດຄົບຮອບ 76ປີ( 12 ຕຸລາ 1945 - 12 ຕຸລາ 2021 ), ເອກະສານວັນສ້າງຕັ້ງການທູດລາວ ( 12 ຕຸລາ 1945 ແລະ 12 ຕຸລາ 1975 ), ເອກະສານ ວັນລັດຖະທຳມະນູນແຫ່ງຊາດລາວ ຄົບຮອບ 30ປີ( 15 ສິງຫາ 1991 - 15 ສິງຫາ 2021 ). ຂຶ້ນຢູ່ທີ່ສະໂມສອນກອງບັນຊາການທະຫານເມືອງພູວົງ. ພາຍໃຕ້ການເປັນປະທານ ແລະ ບັນຍາຍເອກະສານ ຂອງ ສະຫາຍ ພັທ ຄຳກ້ອນ ດວງສົມປານ ຄະນະປະຈຳພັກເມືອງ, ເລຂາຄະນະພັກຮາກຖານ, ຫົວໜ້າການເມືອງກອງບັນຊາການທະຫານເມືອງ, ມີສະຫາຍ ພັທ ບຸນຍົມ ພົນອາມາດ ຮອງເລຂາຄະນະພັກຮາກຖານ, ຫົວໜ້າການທະຫານກອງບັນຊາການທະຫານເມືອງ, ມີບັນດາສະຫາຍຄະນະພັກ- ຄະນະບັນຊາ, ພະນັກງານ ສະມາຊິກພັກ-ນັກຮົບເຂົ້າຮ່ວມ.

ໃນພິທີ ສະຫາຍ ພັທ ຄຳກ້ອນ ດວງສົມປານ ຫົວໜ້າການເມືອງກອງບັນຊາການທະຫານເມືອງພູວົງ ກໍໄດ້ໃຫ້ກຽດບັນຍາຍເອກະສານດັ່ງກ່າວ ເຊິ່ງໄດ້ຍົກໃຫ້ເຫັນບາງບັນດາເນື້ອໃນທີ່ສຳຄັນຂອງ 3 ວັນດັ່ງກ່າວ ກໍ່ເພື່ອໃຫ້ບັນດາຄະນະພັກ- ຄະນະບັນຊາ, ພະນັກງານສະມາຊິກພັກ-ນັກຮົບພາຍໃນກົມກອງຂອງຕົນໄດ້ຮັບຮູ້ ແລະ ເຂົ້າໃຈ ເພື່ອເສີມຂະຫຍາຍມູນເຊື້ອອັນດີງາມຂອງຊາດ-ຂອງພັກ ເຂົ້າໃນຂະບວນການຈັດຕັ້ງປະຕິບັດວຽກງານຕົວຈິງໃຫ້ສຳເລັດຜົນເປັນຈິງ. ນອກນີ້ ໃນພິທີ ຍັງໄດ້ຮັບຟັງການສະຫຼຸບວຽກງານການຈັດຕັ້ງປະຕິບັດໃນໄລ່ຍະໜຶ່ງອາທິດຜ່ານມາ ພ້ອມທັງວາງທິດທາງແຜນວຽກຈຸດສຸມໃນອາທິດຕໍ່ໜ້າຕື່ມອີກ.

( ຂ່າວໂດຍ: ບຸນສັນ ສຸດທິລາດ ປກຊ ເມືອງພູວົງ ).

• < ຕໍ່ໄປ
• ຕໍ່ໄປ >