ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງສະໝາມໄຊ ອ່ວຍພອນກອງພັນທະຫານຮາບ 21ແລະ ທະຫານຊາຍແດນ 543.

ສ້າງຂື້ນເມື່ອ ວັນພຸດ, 19 ມັງກອນ 2022 02:48
ຂຽນໂດຍ ຄອຂ ອັດຕະປື

ຄະນະໂຄສະນາອົບຮົມແຂວງ ສົມທົບກັບຄະນະໂຄສະນາອົບຮົມເມືອງສະໝາມໄຊ ອ່ວຍພອນກອງພັນທະຫານຮາບ 21ແລະ ທະຫານຊາຍແດນ 543.

               ວັນທີ 14 ມັງກອນ 2022; ຄະນະໂຄສະນາອົບຮົມແຂວງ ລົງສົມທົບກັບຄະນະໂຄສະນາອົບຮົມເມືອງສະໝາມໄຊ ອ່ວຍພອນກອງພັນທະຫານຮາບ 21ແລະ ທະຫານຊາຍແດນ 543 ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ( 20 ມັງກອນ 1949 - 20 ມັງກອນ 2022 ) ຄົບຮອບ 73 ປີ . ເຊິ່ງນຳພາໂດຍ ທ່ານ ນ. ບຸນນານ ບຸນນະແສງ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ໃຫ້ກຽດຕ້ອນຮັບໂດຍທ່ານ ພັທ ບຸນທັນ ສາຍປັນຍາ ເລຂາຄະນະພັກ ຫົວໜ້າການເມືອງ ກອງພັນທະຫານຮາບ 21 ແລະ ທ່ານ ພັຕ ສີຄູນ ອຸດົມພອນ ເລຂາໜ່ວຍພັກ ຫົວໜ້າການເມືອງ ທະຫານຊາຍແດນ 543 ພ້ອມດ້ວຍຄະນະ.

              ພິທີດັ່ງກ່າວ ທ່ານ ນ. ບຸນນານ ບຸນນະແສງ ກ່າວຄຳອວຍພອນໄຊປະເສີດມາຍັງຄະນະພັກ-ຄະນະບັນຊາ ຕະຫຼອດຮອດ ນາຍ ແລະ ພົນທະຫານ ແລະ ອ້າຍນ້ອງ ທີ່ກຳລັງປະຕິບັດໜ້າທີ່ຢູ່ແນວໜ້າ, ເຂດທຸລະກັນດານ, ເພື່ອປົກປັກຮັກສາ ເຂດນ້ຳແດນດິນ ພື້ນແຜນດິນອັນຄົບຖ້ວນຂອງປວງຊົນລາວທັງຊາດ ໃຫ້ມີຄວາມປອດໄພ ເຮັດໃຫ້ປະຊາຊົນບັນດາເຜົ່າຢູ່ທາງທຳມາຫາກິນ ຈົ່ງມີມີສຸຂະພາບພາລະນາໄມສົມບູນປະສົບຜົນສຳເລັດອັນຈົບງາມໃນໜ້າທີ່ວຽກງານທຸກປະການຕະຫຼອດໄປ ແລະ ທ່ານຍັງໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ກອງພັນທະຫານຮາບ 21 ແລະ ທະຫານຊາຍແດນ 543 ຍາດມາໄດ້ໃນໄລຍະຜ່ານມາ, ໂດຍໃດ້ສຸມໃສ່ແກ້ໄຂບັນຫາບັນຫາຊາຍແດນ ໃຫ້ມີຄວາມສະຫງົບໂດຍພື້ນຖານ.

Found a typo? Please select it and press Ctrl + Enter.