ເພື່ອເປັນການເຊີດຊູເຖິງຜົນງານ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ເວົ້າລວມ, ເວົ້າສະເພາະກໍ່ຄື ກອງບັນຊາການທະຫານແຂວງອັດຕະປື ທີ່ເຮັດໜ້າທີ່ອັນສໍາຄັນ ແລະ ຍິ່ງໃຫຍ່ຂອງຊາດ, ຂອງພັກ ໃນການປົກປັກຮັກສາ ແລະ ສ້າງສາປະເທດຊາດ ກໍ່ຄືແຂວງອັດຕະປື ໃຫ້ມີຄວາມສະຫງົບ, ມີຄວາມປອດໄພ ແລະ ປະຊາຊົນມີການທໍາມາຫາກິນ, ຢູ່ດີກິນດີ. ດັ່ງນັ້ນ; ໃນວັນທີ 18 ມັງກອນ 2023; ຄະນະໂຄສະນາອົບຮົມແຂວງ ນຳໂດຍ ສະຫາຍ ບຸນຮອນ ໄຊຍະວົງ ຮອງຫົວໜ້າຄະນະໂຄສະນາອົບຮົມແຂວງ ພ້ອມຄະນະ ໄດ້ເຂົ້າອວຍພອນຄະນະພັກ-ຄະນະບັນຊາກອງບັນຊາການທະຫານແຂວງ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ທີ່ໄດ້ໝູນວຽນມາ ຄົບຮອບ74 ປີ ( 20/01/949-20/01/2023 ), ຢູ່ທີ່ຫ້ອງຮັບແຂກກອງບັນຊາການທະຫານແຂວງ. ໂດຍໃຫ້ກຽດຕ້ອນຮັບຂອງ ສະຫາຍ ພັນເອກ ໂຊກໄຊພິມມະລາ ຄະນະປະຈຳພັກແຂວງ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ ອັດຕະປື ພ້ອມຄະນະ.

+ ພາບ-ຂ່າວ: ຄະນະໂຄສະນາອົບຮົມແຂວງ