ພິທີມອບ-ຮັບ ຫົວໜ້າໂຄສະນາອົບຮົມແຂວງ ອັດຕະປື ຜູ້ເກົ່າ ແລະ ຜູ້ໃໝ່.

ລາຍລະອຽດ

ສ້າງຂື້ນເມື່ອ ວັນອັງຄານ, 15 ສິງຫາ 2017 08:05

ພິທີມອບ-ຮັບ ຫົວໜ້າໂຄສະນາອົບຮົມແຂວງ ອັດຕະປື ຜູ້ເກົ່າ ແລະ ຜູ້ໃໝ່.

ໃນວັນທີ 11 ຕຸລາ 2016 ທີ່ຜ່ານມາຄະນະໂຄສະນາອົບຮົມແຂວງອັດຕະປື ໄດ້ມີພິທີ ມອບ-ຮັບໜ້າທີ່ ລະຫວ່າງຫົວໜ້າຄະນະໂຄສະນາອົບຮົມ ແຂວງຜູ້ເກົ່າ ແລະ ຜູ້ໃໝ່ ຂຶ້ນຢູ່ທີ່ສະໂມສອນໂຄສະນາອົບຮົມແຂວງ ໃຫ້ກຽດເຂົ້າຮ່ວມ ແລະ ເປັນປະທານໂດຍ  ທ່ານ ນ. ມີນາ ພອນ ໄຊສົມພູ 

ຮອງເລຂາພັກແຂວງ, ຜູ້ຊີ້ນຳຂົງເຂດການເມືອງ, ມີບັນດາທ່ານຜູ້ຕາງໜ້າຈາກບັນດາພາກສ່ວນທີ່ກ່ຽວຂ້ອງ,  ພະນັກງານ ອາວຸໂສບຳນານ ພ້ອມດ້ວຍພະນັກງານ-ລັດຖະກອນ ເຂົ້າຮ່ວມເປັນສັກຂີພະຍານ ທັງໝົດ 35 ທ່ານ.

  ໃນພິທີ ທ່ານ ບົວໄລ ກົມມະສິດ  ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານມະຕິຕົກລົງ ຂອງຄະ ປະຈຳພັກແຂວງ ສະບັບເລກທີ 123/ຄປ ພຂ  ວ່າດ້ວຍການຍົກຍ້າຍ ແລະ ແຕ່ງຕັ້ງພະນັກ ງານ, ມະຕິ ຕົກລົງ ເລກທີ 241/ຄປພຂ ວ່າດ້ວຍການບົ່ງຕົວແຕ່ງຕັ້ງເລຂາໜ່ວຍພັກຄະ ນະໂຄສະນາອົບຮົມແຂວງ ໂດຍແຕ່ງຕັ້ງ ສະຫາຍ ສົມໄຊ ແກ້ວໂພສິງ ກຳມະການພັກແຂວງ ເປັນຫົວໜ້າຄະນະໂຄສະນາອົບຮົມ ແຂວງຜູ້ໃໝ່ ທັງເປັນເລຂາໜ່ວຍພັກ. ແລ້ວ ສະຫາຍ ສີຫາ ພົມມະຈັກ ຮອງຫົວໜ້າຄະນະໂຄສະນາ ອົບຮົມແຂວງ ໄດ້ຂຶ້ນຜ່ານບົດສະຫຼຸບລາຍ ງານ ການຈັດ ຕັ້ງປະຕິບັດໜ້າທີ່ວຽກງານໃນໄລຍະສົກປີຜ່ານ ມາ ( 2015-2016 ) ເຊິ່ງໄດ້ຍົກ ໃຫ້ເຫັນບັນດາຜົນສຳເລັດໃນຫຼາຍດ້ານ, ຂໍ້ຄົງຄ້າງ ຈຳນວນໜຶ່ງ ແລະ ທິດທາງ ທີ່ຈະຕ້ອງໄດ້ແກ້ໄຂໃນຕໍ່ໜ້າ. ຫຼັງຈາກນັ້ນ ສະຫາຍ ເພັດແກ້ວ ເຮືອງປັນຍາ ກຳມະການພັກ ແຂວງ, ຫົວໜ້າຄະນະ ໂຄສະນາອົບ ຮົມແຂວງຜູ້ເກົ່າ ກໍ່ໄດ້ຂຶ້ນຜ່ານບົດລາຍງານການຊີ້ນຳ-ນຳພາການ ຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ.

   ໃນໂອກາດດັ່ງກ່າວ ທ່ານ ນ. ມີນາພອນ ໄຊສົມພູ ໄດ້ໃຫ້ກຽດໂອ້ລົມ ແລະ ປະກອບຄຳຄິດເຫັນເຊິ່ງ ທ່ານໄດ້ເວົ້າວ່າ: ວຽກງານການເມືອງ-ແນວ ຄິດ ແມ່ນເປັນວຽກງານໜຶ່ງທີ່ມີບົດບາດ ແລະ ສຳຄັນຫຼາຍ ເວລາໃດກໍ່ເປັນວຽກແຖວໜ້າ ຊຶ່ງຈະຕ້ອງໄດ້ເຮັດກ່ອນໝູ່ ແລະ ສອດຫ້ອຍໄປທຸກ ຂົງເຂດວຽກງານ, ທ່ານຍັງໄດ້ເນັ້ນໜັກໃຫ້ ຫົວໜ້າຄະນະໂຄສະນາອົບຮົມແຂວງຜູ້ໃໝ່  ຕ້ອງໄດ້ເພີ່ມທະວີຄວາມເອົາໃຈໃສ່ ຢ່າງຕັ້ງໜ້າຕໍ່ໜ້າທີ່ ໃໝ່ທີ່ຖືກມອບໝາຍ.

• ຕໍ່ໄປ >